Швециялик афсонавий ҳужумчи Златан Ибраҳимович Англия Премьер-лигасининг 6-турида «Ливерпуль» ва «Манчестер Сити» ўртасидаги учрашувда (0:3) ярим ҳимоячи Райан Гравенберхнинг майдондан четлатилишига кескин муносабат билдирди.

Мазкур баҳсда «Ливерпуль» бир киши кам бўлиб қолганидан сўнг ўз дарвозасидан жавобсиз учта тўп ўтказиб юборди.

«Бундай ҳакамликдан кейин арбитрни ўйинларни бошқаришдан четлатиш керак. У шунчаки учрашувни барбод қилди. Гравенберхни майдондан четлатиш учун асос йўқ эди.

Аммо ҳакам қайси жамоа ғалаба қозониши кераклигини ўзи танлади. Ҳакамлик даражаси жуда паст бўлди ва кўплаб баҳсли қарорлар қабул қилинди», — деди Ибрагимович. Унинг сўзлари Lord Zeus аккаунтида келтирилган.

Мазкур мағлубиятдан сўнг «Ливерпуль» Англия Премьер-лигаси турнир жадвалида 10-ўринни эгаллаб турибди.

«Манчестер Сити» эса мусобақа жадвалида пешқадамлик қилмоқда.