«Манчестер Юнайтед»нинг собиқ футболчиси Рой Кин АПЛнинг олтинчи турида «Манчестер Сити»нинг «Ливерпуль» устидан қозонган ғалабасига муносабат билдирди. Учрашув 3:0 ҳисобида якунланди.
«Сўнгги бир неча ҳафта давомида «Манчестер Сити» ҳақида кўплаб шов-шувли фикрлар билдирилди, аммо бугун жамоанинг ўзи катта баёнот берди», — дея Киннинг сўзларини келтиради Sky Sports.
«Рақибнинг майдондан четлатилиши жуда катта ёрдам берди, аммо барибир ўз савиянгни кўрсатишинг керак. Учала гол ҳам ажойиб бўлди. Бу «Сити» учун катта туртки бўлади. Жамоа мавсумни яхши бошлади. Ҳозир шундай деб ўйлайсан: “Яна қандай Пеп?” Пеп Гвардиола ва Родри кетганидан кейин пайдо бўлган хавотирлар ҳақида энди ҳатто гапирилмаяпти ҳам».
«Доку ўйинга катта таъсир кўрсатди, дриблинги орқали ҳужумларни янада кескинлаштирди. У захирадан майдонга тушиб, рақибнинг четлатилиши туфайли юзага келган устунликдан ташқари, учрашувнинг боришини ҳам амалда ўзгартирди».
«Манчестер Сити» мумкин бўлган 18 очкодан 18 тасини жамғариб, турнир жадвалида биринчи ўринни эгаллаб турибди.
