«Барселона» «Манчестер Юнайтед»нинг 16 ёшли футболчиси Жей-Жей Габриэлни ўз сафига қўшиб олиш устида иш олиб бормоқда.

The Touchline маълумотига кўра, каталониялик клуб «қизил иблислар»нинг ёшлар жамоасида тўп сураётган англиялик футболчига шартнома таклиф қилган. «Кўк-анорранглилар» иқтидорли футболчига йилига 2 миллион евро маош тўлашга тайёр. Шунингдек, келишувда шартнома имзолангани учун бонус ва муваффақиятли ўйинлар учун қўшимча тўловлар ҳам кўзда тутилган.

Габриэл учун курашда Мадриднинг «Реал» клуби ҳам иштирок этмоқда. «Қироллик клуби» ҳужумкор ярим ҳимоячига манфаатли шартларни таклиф қилган.

Эслатиб ўтамиз, Жей-Жейнинг ўзи клубидан кўнгли қолгани сабабли «Манчестер Юнайтед»ни тарк этишга қарор қилган. Аввалроқ футболчи ва унинг яқинлари Испанияга кўчиб ўтишни исташаётгани ҳақида хабар берилган эди.