Kataloniyaning «Barselona» klubi 20 yoshli vingeri Runi Bardji 2026/2027 yilgi mavsum boshlanishi arafasida jiddiy jarohat oldi. Insayder Fabrisio Romano X ijtimoiy tarmog‘ida xabar berishicha, futbolchi tizzasining old xochsimon bog‘lamini uzib olgan va 6-7 oy muddatga safdan chiqdi.
Shvesiyalik futbolchi 2023/2024 yilgi mavsumda ham tizzasidan olgan jarohati sabab 11 oy futboldan chetda qolgan edi. Avvalroq Bardji «Barselona»ga Entoni Gordon va Karim Adeyemi kabi hujum chizig‘i futbolchilari kelganidan so‘ng klubni tark etishi mumkinligi xabar qilingandi.
Futbolchiga Germaniya Bundesligasi, Niderlandiya Eredivizi, Fransiya Liga 1, Portugaliya chempionati va Italiya A Seriyasi klublari qiziqish bildirgan. Potensial da’vogarlar orasida «Aston Villa», «Sanderlend», «Everton», «Fulxem», «Brayton», «Lids Yunayted», «Ayaks», «Marsel», «Portu», «Yuventus» va Dortmundning «Borussiya» klublari tilga olingan.
