«Barselona»ning hujumkor yarim himoyachisi Fermin Lopes Londonning «Arsenal» klubi qiziqish doirasiga tushdi. Bu haqda El Nacional xabar berdi.
Manbaga ko‘ra, «kanonirlar» Fermin uchun «Barselona»ga 100 million yevrodan ortiq taklif qilishni rejalashtirmoqda. Shuningdek, transfer amalga oshgan taqdirda, klub ispaniyalik futbolchining maoshini sezilarli darajada oshirishni rejalashtirmoqda.
Yarim himoyachiga «Chelsi» ham qiziqish bildirmoqda, ammo Ferminning ustuvor maqsadi «Barselona»da qolish. Shu bilan birga, futbolchi klub uchun qadrli ekanini his qilish uchun ko‘proq maosh olishni istamoqda.
Joriy mavsumda 23 yoshli Fermin barcha turnirlarda oltita o‘yinda ishtirok etib, 4 ta gol urdi va 2 ta golli uzatmani amalga oshirdi.
Futbolchining «Barselona» bilan amaldagi shartnomasi 2031 yilgacha amal qiladi.
