«Барселона»нинг ҳужумкор ярим ҳимоячиси Фермин Лопес Лондоннинг «Арсенал» клуби қизиқиш доирасига тушди. Бу ҳақда El Nacional хабар берди.

Манбага кўра, «канонирлар» Фермин учун «Барселона»га 100 миллион евродан ортиқ таклиф қилишни режалаштирмоқда. Шунингдек, трансфер амалга ошган тақдирда, клуб испаниялик футболчининг маошини сезиларли даражада оширишни режалаштирмоқда.

Ярим ҳимоячига «Челси» ҳам қизиқиш билдирмоқда, аммо Ферминнинг устувор мақсади «Барселона»да қолиш. Шу билан бирга, футболчи клуб учун қадрли эканини ҳис қилиш учун кўпроқ маош олишни истамоқда.

Жорий мавсумда 23 ёшли Фермин барча турнирларда олтита ўйинда иштирок этиб, 4 та гол урди ва 2 та голли узатмани амалга оширди.

Футболчининг «Барселона» билан амалдаги шартномаси 2031 йилгача амал қилади.