«Barselona» yarim himoyachisi Rodri Ernandes Madridning «Real» klubiga o‘tishdan qanday bosh tortganini esladi.

«Real» Rodri hali «Manchester Siti»da o‘ynagan paytidayoq unga qiziqish bildirgan birinchi klub bo‘lgan. Biroq yakunda «ko‘k-anorranglilar» 30 yoshli yulduzni ashaddiy raqibidan tortib olishga muvaffaq bo‘ldi.

«Realga “yo‘q” deyish oson bo‘lmadi, ayniqsa klubning menga bo‘lgan yaxshi munosabatini hisobga olganda. Men ko‘plab omillarni inobatga oldim va dunyoning eng yaxshi ikki klubi o‘rtasida tanlov qilib, muhim qaror qabul qildim.

Mening tanlovim sport nuqtai nazaridan kelib chiqdi. «Barselona»ning loyihasi meni ruhlantirdi va u yerga o‘tsam, g‘alaba qozonishim hamda futbolchi sifatida o‘sishim mumkinligini his qildim», — deya Rodrining so‘zlarini keltiradi Madrid Universal.

Kataloniya grandi 18 avgust kuni jahon chempioni bilan shartnoma imzolaganini e’lon qildi.