«Barselona» va Ispaniya terma jamoasining sobiq yarim himoyachisi, ayni paytda «Galf Yunayted» klubini boshqarayotgan Andres Inyesta 2026 yilgi «Oltin to‘p» sohibi kim bo‘lishi kerakligi haqida fikr bildirdi.

Ispaniyalik futbolchi jurnalist bilan suhbatda terma jamoasining jahon chempionatidagi g‘alabasini ham esladi va hozirgi avlod futbolchilarining imkoniyatlariga to‘xtaldi.

«Bu jarayonning barchasini bevosita stadionda boshdan kechirish juda chiroyli va o‘ziga xos hissiyot edi. 16 yildan so‘ng yana stadiondan turib terma jamoamizning jahon chempioniga aylanganini ko‘rish — aqlbovar qilmas voqea bo‘ldi.

Bir yulduzga ega bo‘lishning o‘zi juda yaxshi, ammo ikki yulduz terma jamoa va butun mamlakatni mutlaqo boshqa darajaga olib chiqadi, deb o‘ylayman. Siz aytganingizdek, menimcha, bu avlod futbolchilari juda ko‘p narsaga erisha oladi.

Eng muhimi, buni juda chiroyli tarzda amalga oshirishlari mumkin. Chunki bir necha yillik istiqbolga qarasak, ushbu jamoaning deyarli butun asosiy tarkibi yana olti yildan keyin ham futbol o‘ynashda davom eta oladi. Bu haqiqatan ham ijobiy jihat.

«Oltin to‘p»ga kelsak, men uni ispaniyalik futbolchi olishini xohlardim. Ularning ham individual, ham jamoaviy darajada erishgan natijalarini hisobga olsak, bu juda chiroyli bo‘lar edi. Menimcha, aynan shunday bo‘lishi kerak», — deya Inyestaning so‘zlarini keltiradi Marca.