Jerom Roten Usman Dembele Kilian Mbappening «Oltin to‘p» haqidagi bayonotlaridan norozi ekanini aytdi.

Avvalroq «Real» hujumchisi Kilian Mbappe, jumladan, Usman Dembele doimo «iqtidorli futbolchi» sifatida baholanganini, o‘zini esa «tanlangan» futbolchi sifatida qabul qilishganini aytgan edi.

«Usman Dembelega bu juda yoqmadi, bu aniq. U Mbappedan juda g‘azabda. U buni qandaydir xiyonat sifatida qabul qilmoqda. Bu kuchli so‘z, ammo u vaziyatni aynan shunday qabul qilyapti.

Gap faqat uning o‘zi haqida emas. Usmanning butun atrofidagi odamlar, “PSJ”da u bilan birga kiyinish xonasida bo‘lgan insonlar ham bor.

“Tanlangan — tanlanmagan” degan ibora, unga yuqoridan qarash, Mbappe davrida “PSJ”da yulduzlar bo‘lmagani haqidagi gaplar, “Oltin to‘p” haqida so‘z ketganda Ronaldu va Messining ustunligini tan olishi, ammo boshqa futbolchilarni ortda qoldirishi mumkinligini aytishi...

“Oltin to‘p” sohibi bo‘lganlar orasida Dembele, Benzema va Modrich ham bor — axir u bu futbolchilar bilan birga o‘ynagan», — dedi «PSJ»ning sobiq yarim himoyachisi.