Жером Ротен Усман Дембеле Килиан Мбаппенинг «Олтин тўп» ҳақидаги баёнотларидан норози эканини айтди.
Аввалроқ «Реал» ҳужумчиси Килиан Мбаппе, жумладан, Усман Дембеле доимо «иқтидорли футболчи» сифатида баҳоланганини, ўзини эса «танланган» футболчи сифатида қабул қилишганини айтган эди.
«Усман Дембелега бу жуда ёқмади, бу аниқ. У Мбаппедан жуда ғазабда. У буни қандайдир хиёнат сифатида қабул қилмоқда. Бу кучли сўз, аммо у вазиятни айнан шундай қабул қиляпти.
Гап фақат унинг ўзи ҳақида эмас. Усманнинг бутун атрофидаги одамлар, “ПСЖ”да у билан бирга кийиниш хонасида бўлган инсонлар ҳам бор.
“Танланган — танланмаган” деган ибора, унга юқоридан қараш, Мбаппе даврида “ПСЖ”да юлдузлар бўлмагани ҳақидаги гаплар, “Олтин тўп” ҳақида сўз кетганда Роналду ва Мессининг устунлигини тан олиши, аммо бошқа футболчиларни ортда қолдириши мумкинлигини айтиши...
“Олтин тўп” соҳиби бўлганлар орасида Дембеле, Бензема ва Модрич ҳам бор — ахир у бу футболчилар билан бирга ўйнаган», — деди «ПСЖ»нинг собиқ ярим ҳимоячиси.
