Кампеонес кубоги финалида МЛС вакили «Интер Майами» Мексиканинг «Крус Асуль» клубини қабул қилди. Майамидаги «Ну Стэдиум» стадионида ўтказилган учрашув мезбонларнинг 2:0 ҳисобидаги ғалабаси билан якунланди.

Бу ғалаба «Интер Майами» учун Кампеонес кубогидаги тарихдаги илк чемпионлик бўлди.

24-дақиқада аргентиналик ҳужумчи Лионель Месси ҳисобни очди. Уругвайлик Луис Суареснинг узатмасидан сўнг бош билан гол урган Месси жамоасини олдинга олиб чиқди.

81-дақиқада эса «Интер Майами»нинг яна бир юлдузи Каземиро якуний ҳисобни ўрнатди. Бразилиялик ярим ҳимоячи Мессининг узатмасидан сўнг рақиб дарвозасини ишғол қилди.

Кампеонес кубоги — ҳар йили бир ўйиндан иборат форматда ўтказиладиган турнир бўлиб, унда АҚШ МЛС чемпионлиги соҳиби ва Мексика Лига MX мусобақасининг «Чемпионлар чемпиони» кубоги ғолиби ўзаро баҳс олиб боради.

Ўтган йили ушбу совринни Мексиканинг «Толука» клуби қўлга киритган эди.

Кампеонес кубоги
17 сентябрь, Майами, «Ну Стэдиум»
«Интер Майами» — «Крус Асуль» — 2:0
Голлар: Месси, 24 (Суарес узатмаси) — 1:0. Каземиро, 81 (Месси узатмаси) — 2:0.