«ПСЖ» собиқ ярим ҳимоячиси Жером Ротен Португалия терма жамоаси ҳужумчиси Криштиану Роналдунинг жамоадаги хатти-ҳаракатлари ҳақида фикр билдирди.
«Бу энди ачинарли тус олмоқда... Бундан ёмони бўлиши мумкин эмас. У фаолиятини якунлаганида, барча Роналдунинг феноменал футболчи бўлганини эслайди, аммо бугун унинг имижига путур етиши муқаррар...
Мен учун бу шунчаки инжиқлик. Агар Жорже Жезуш ўрнида бўлганимда, уни бошқа ҳеч қачон терма жамоага чақирмаган бўлардим», — дея Ротеннинг сўзларини Footmercato келтирди.
Эслатиб ўтамиз, Роналду 30 сентябрь куни Португалия терма жамоаси қароргоҳини тарк этган. Футболчи ва Жезуш ўртасидаги келишмовчиликлар Миллатлар лигасида Норвегияга қарши ўйиндан (2:1) кейин юзага келган. Ўша учрашувда Роналду 18 йил ичида илк бор терма жамоанинг расмий ўйинини тўлиқ захира ўриндиғида ўтказган.
