«PSJ» sobiq yarim himoyachisi Jerom Roten Portugaliya terma jamoasi hujumchisi Krishtianu Ronalduning jamoadagi xatti-harakatlari haqida fikr bildirdi.
«Bu endi achinarli tus olmoqda... Bundan yomoni bo‘lishi mumkin emas. U faoliyatini yakunlaganida, barcha Ronalduning fenomenal futbolchi bo‘lganini eslaydi, ammo bugun uning imijiga putur yetishi muqarrar...
Men uchun bu shunchaki injiqlik. Agar Jorje Jezush o‘rnida bo‘lganimda, uni boshqa hech qachon terma jamoaga chaqirmagan bo‘lardim», — deya Rotenning so‘zlarini Footmercato keltirdi.
Eslatib o‘tamiz, Ronaldu 30 sentyabr kuni Portugaliya terma jamoasi qarorgohini tark etgan. Futbolchi va Jezush o‘rtasidagi kelishmovchiliklar Millatlar ligasida Norvegiyaga qarshi o‘yindan (2:1) keyin yuzaga kelgan. O‘sha uchrashuvda Ronaldu 18 yil ichida ilk bor terma jamoaning rasmiy o‘yinini to‘liq zaxira o‘rindig‘ida o‘tkazgan.
