«Барселона» «Расинг»ни 7:2 ҳисобида йирик мағлуб этиб, жорий мавсум бошидан буён кетма-кет еттинчи ғалабасини қўлга киритди.

Ушбу ғалабаларнинг олтитаси Испания чемпионатида, яна биттаси Чемпионлар лигасида «Фейеноорд»га қарши учрашувда қайд этилган.

Маълум бўлишича, «Барселона» ўз тарихида илк бор мавсумни кетма-кет еттита ғалаба билан бошлади.

Бунга қадар клубнинг энг яхши натижаси олтита кетма-кет ғалаба эди. «Барса» бундай стартни уч марта — 1929/30, 1960/61 ва 2018/19 йилги мавсумларда қайд этган.

«Барселона» навбатдаги учрашувини якшанба куни Испания чемпионатининг 7-тури доирасида сафарда «Севилья»га қарши ўтказади.