«Барселона» «Атлетико» ҳужумчиси Хулиан Альваресни трансфер қилиш борасида вазиятни кузатишда давом этмоқда.
Diario Sport хабар беришича, каталонияликлар «Атлетико» ўзининг қатъий позициясини юмшатиб, аргентиналик ҳужумчини сотиш бўйича музокараларга киришга тайёрлигини билдиришини кутмоқда.
«Барселона» раҳбарияти фақат мадридликлар музокараларга тайёр эканини кўрсатган тақдирдагина Альварес учун янги таклиф билан чиқишга қарор қилган.
Каталония клуби аввалроқ 100 миллион евродан ортиқ миқдордаги таклиф билан чиққан, аммо «Атлетико» ушбу таклифни рад этган.
Айни пайтда Альварес 10 август куни «Атлетико»нинг мавсумолди йиғинига қўшилиши ва жамоа бош мураббийи Диего Симеоне билан келажаги борасида суҳбатлашиши кутилмоқда.
«Барселона»да Альварес трансфери амалга ошмаса, ҳужум чизиғини кучайтириш учун бошқа номзодларга эътибор қаратиш режаси ҳам мавжуд.
