Бразилия терма жамоаси ҳужумчиси Рафинья Австралияга қарши ўртоқлик учрашувида жароҳат олди.

29 ёшли футболчи учрашувни асосий таркибда бошлади ва биринчи бўлим якунида пенальтидан унумли фойдаланиб, ҳисобни 2:2 кўринишига келтирди. Ушбу гол Бразилияга танаффусга дуранг натижа билан чиқиш имконини берди.

Бироқ Рафинья иккинчи бўлимга майдонга қайтмади. У сон соҳасидаги мушакларда ноқулайлик ҳис қилгани сабаб Карло Анчелотти уни алмаштиришга қарор қилди. Футболчининг ўрнига Эндрик ҳаракатини давом эттирди.

Бу ҳолат “Барселона” учун ҳам хавотирли хабар ҳисобланади. Рафинья аввал ҳам сон мушакларидаги жароҳатлар билан боғлиқ муаммоларга дуч келган. Шу боис унинг ҳолати бўйича кейинги тиббий текширувлар муҳим аҳамият касб этади.

Бразилиялик футболчи жорий мавсумни жуда юқори суръатда бошлади. У “Барселона” сафида 8 та учрашувда 14 та гол урди ва 3 та голли узатмани амалга оширди.