«Барселона» президенти Жоан Лапорта аллақачон клуб келажаги бўйича режалар тузмоқда. El Nacional маълумотига кўра, каталонияликлар раҳбари келажакда Ханси Флик ўрнини Сеск Фабрегас эгаллашини истамоқда.

Айни пайтда «Барселона» Фликка тўлиқ ишонч билдирмоқда, айниқса жамоа яхши натижалар қайд этаётганини ҳисобга олсак.

Бироқ немис мутахассисининг клубдаги даври якунлангач, каталонияликлар бош мураббийлик лавозимида айнан Фабрегасни кўришни хоҳламоқда. У ҳозирда «Комо»да ўзини яхши томондан кўрсатмоқда.

Шунингдек, Фабрегаснинг шартномасида унинг «Барселона»га ўтишини осонлаштирадиган махсус банд мавжудлиги қайд этилган. Бундай банд ҳақидаги маълумот аввал ҳам тарқалган эди.

Айни пайтда «Барселона» Ла Лигада 7 турдан сўнг 21 очко жамғариб, турнир жадвалида ишончли тарзда етакчилик қилмоқда.