«Barselona» prezidenti Joan Laporta allaqachon klub kelajagi bo‘yicha rejalar tuzmoqda. El Nacional ma’lumotiga ko‘ra, kataloniyaliklar rahbari kelajakda Xansi Flik o‘rnini Sesk Fabregas egallashini istamoqda.

Ayni paytda «Barselona» Flikka to‘liq ishonch bildirmoqda, ayniqsa jamoa yaxshi natijalar qayd etayotganini hisobga olsak.

Biroq nemis mutaxassisining klubdagi davri yakunlangach, kataloniyaliklar bosh murabbiylik lavozimida aynan Fabregasni ko‘rishni xohlamoqda. U hozirda «Komo»da o‘zini yaxshi tomondan ko‘rsatmoqda.

Shuningdek, Fabregasning shartnomasida uning «Barselona»ga o‘tishini osonlashtiradigan maxsus band mavjudligi qayd etilgan. Bunday band haqidagi ma’lumot avval ham tarqalgan edi.

Ayni paytda «Barselona» La Ligada 7 turdan so‘ng 21 ochko jamg‘arib, turnir jadvalida ishonchli tarzda yetakchilik qilmoqda.