«Манчестер Сити» ҳужумчиси Эрлинг Холанд клубни тарк этиш ҳақида ўйламаяпти. Бу ҳақда TEAMtalk хабар бермоқда.
Футболчи жамоа атрофидаги ноаниқликларга қарамай, бутунлай «шаҳарликлар» сафидаги иштирокига эътиборини қаратган. Аммо агар Холанд барибир «Сити»дан кетишга қарор қилса, Ла Лигага ўтишни маъқул кўради.
Бунга қарамай, «Бавария» ва «ПСЖ» футболчи учун курашга киришишга тайёрлиги айтилмоқда. ОАВ хабарига кўра, «Барселона» ва «Реал» «Манчестер Сити» атрофидаги вазиятни синчковлик билан кузатиб бормоқда. Испания клублари Холандни ўз сафига қўшиб олишга тайёр.
