Мустақил комиссия «Манчестер Сити» 2009–2018 йиллар оралиғида молиявий қоидаларни кўп марта бузган, деган хулосага келди. Энди клубга нисбатан жазо чоралари қўлланилиши мумкин, бироқ олдинда апелляция жараёни бор.
Шу муносабат билан 2016–2026 йилларда «Манчестер Сити»ни бошқарган Хосеп Гвардиола ҳам вазиятга муносабат билдирди.
«Дунё бўйлаб ҳар бир “Манчестер Сити” мухлиси бир нарсани билишини истайман: мен клуб биланман ва ҳеч қачон ҳозиргидек қатъий бўлмаганман. Мен клубимни, унинг эгасини, раисини, Ферран Сорианони, футболчиларни, ходимларни, Энцо Марескани ва сиз — бетакрор мухлисларимизни қўллаб-қувватлаганман, ҳозир ҳам қўллаб-қувватлайман ва доимо шундай қиламан.
Аниқ айтиб қўяй: биз бу синовдан биргаликда ўтамиз. Барчангизни яхши кўраман», — деб ёзди Гвардиола ижтимоий тармоқларда.
Айни пайтда «Манчестер Сити» Англия Премьер-лигаси турнир жадвалида пешқадамлик қилмоқда.
