«Фрозиноне»нинг 23 ёшли вингери Георгий Квернадзе Европанинг бир қатор клублари эътиборини тортмоқда.
Инсайдер Николо Скира маълумотига кўра, грузиялик футболчига «Рома», «Монако», шунингдек, «Эвертон» ва «Кристал Пэлас» қизиқиш билдирмоқда.
Квернадзе жорий мавсумда А Сериянинг 10 та ўйинида 5 та гол урди ва 5 та голли узатма берди. У «Лечче»га қарши учрашувда (5:1) учта ассист қайд этган.
Аллақачон «янги Кварацхелия» деб аталаётган футболчининг «Фрозиноне» билан шартномаси 2028 йилгача амал қилади.
