«Барселона» мухлислар учун мўлжалланган Gol 1957 трибунаси фаолиятини вақтинча тўхтатади. Goal нашри хабар беришича, тақиқ Испания чемпионатининг шанба куни «Алавес»га қарши бўлиб ўтадиган учрашувида амал қилади.

Бундай қарор бир қатор интизомий қоидабузарликлар, жумладан, «Реал» ярим ҳимоячиси Эдуардо Камавинга билан боғлиқ ҳодиса сабаб қабул қилинган.

Мадридликлар 2:1 ҳисобида ғалаба қозонган «эл-класико»нинг сўнгги дақиқаларида «Реал» футболчилари Килиан Мбаппенинг иккинчи голини нишонлаётган вақтда мухлислардан бири Камавингани байроқ дастаси билан урган.

«Бундай хатти-ҳаракатлар клубни молиявий жазолар ва стадионнинг ёпилиши хавфи остида қолдиради, шунингдек, унинг обрўсига путур етказади. Клуб юзага келган вазиятни муҳокама қилиш учун Gol 1957 трибунаси вакиллари билан учрашув ўтказади», — дейилади каталонияликлар баёнотида.

Эслатиб ўтамиз, «Барселона» — «Алавес» учрашуви 31 октябрь куни бўлиб ўтади.