«Barselona» muxlislar uchun mo‘ljallangan Gol 1957 tribunasi faoliyatini vaqtincha to‘xtatadi. Goal nashri xabar berishicha, taqiq Ispaniya chempionatining shanba kuni «Alaves»ga qarshi bo‘lib o‘tadigan uchrashuvida amal qiladi.
Bunday qaror bir qator intizomiy qoidabuzarliklar, jumladan, «Real» yarim himoyachisi Eduardo Kamavinga bilan bog‘liq hodisa sabab qabul qilingan.
Madridliklar 2:1 hisobida g‘alaba qozongan «el-klasiko»ning so‘nggi daqiqalarida «Real» futbolchilari Kilian Mbappening ikkinchi golini nishonlayotgan vaqtda muxlislardan biri Kamavingani bayroq dastasi bilan urgan.
«Bunday xatti-harakatlar klubni moliyaviy jazolar va stadionning yopilishi xavfi ostida qoldiradi, shuningdek, uning obro‘siga putur yetkazadi. Klub yuzaga kelgan vaziyatni muhokama qilish uchun Gol 1957 tribunasi vakillari bilan uchrashuv o‘tkazadi», — deyiladi kataloniyaliklar bayonotida.
Eslatib o‘tamiz, «Barselona» — «Alaves» uchrashuvi 31 oktyabr kuni bo‘lib o‘tadi.
