«Манчестер Сити» ярим ҳимоячиси Райан Шерки Европанинг икки гранди эътиборини тортмоқда.

CaughtOffside нашрининг хабар беришича, 23 ёшли француз футболчисига «Реал» ва «ПСЖ» қизиқиш билдирмоқда. Ҳар икки клуб уни қишки трансферлар даврида қўлга киритиш имкониятини ўрганмоқда.

Маълумотларга кўра, «Манчестер Сити» Шеркининг трансфер қийматини 90 миллион евро этиб белгилаган.

Жорий мавсумда ярим ҳимоячи 13 та учрашувда 6 та гол ва 3 та ассист қайд этган.

Шеркининг «Манчестер Сити» билан шартномаси 2030 йилгача амал қилади.