«Manchester Siti» hujumchisi Erling Xoland klubni tark etish haqida o‘ylamayapti. Bu haqda TEAMtalk xabar bermoqda.

Futbolchi jamoa atrofidagi noaniqliklarga qaramay, butunlay «shaharliklar» safidagi ishtirokiga e’tiborini qaratgan. Ammo agar Xoland baribir «Siti»dan ketishga qaror qilsa, La Ligaga o‘tishni ma’qul ko‘radi.

Bunga qaramay, «Bavariya» va «PSJ» futbolchi uchun kurashga kirishishga tayyorligi aytilmoqda. OAV xabariga ko‘ra, «Barselona» va «Real» «Manchester Siti» atrofidagi vaziyatni sinchkovlik bilan kuzatib bormoqda. Ispaniya klublari Xolandni o‘z safiga qo‘shib olishga tayyor.