Millatlar ligasi guruh bosqichi 2-turida Norvegiyaga qarshi 2:1 hisobida yakunlangan uchrashuvda Portugaliya bosh murabbiyi Jorje Jezush Krishtianu Ronalduni maydonga tushirmadi. Record gazetasi ijrochi direktori Pedru Souza Now Canal efirida ma’lum qilishicha, bu avvaldan erishilgan kelishuvning buzilishi bo‘lgan.

Manbaga ko‘ra, murabbiy va 41 yoshli futbolchi o‘rtasidagi kelishuv 2026 yil avgust oyida, Portugaliya terma jamoasining kuzgi o‘yinlar uchun tarkibi e’lon qilinishidan oldin tuzilgan.

Shuningdek, Ronaldu Jezushning milliy jamoa bosh murabbiyi etib tayinlanishiga faol yordam bergani aytilmoqda.

Tomonlar hujumchining o‘yin vaqtini bosqichma-bosqich taqsimlashga kelishib olgan. Rejaga ko‘ra, Ronaldu Norvegiyaga qarshi o‘yinda 30 daqiqa maydonda harakat qilishi kerak edi, ammo u umuman o‘yinga qo‘shilmadi.

Endi Jezushdan nega avvalgi kelishuvdan chekingani haqida tushuntirish kutilmoqda.

Ronaldu Portugaliya terma jamoasi o‘yinini 18 yildan keyin ilk bor to‘liq zaxirada o‘tkazdi. Bungacha shunday holat Yevro-2008da Shveysariyaga qarshi 0:2 hisobida yakunlangan uchrashuvda kuzatilgan edi.

Millatlar ligasi 1-turida Ronaldu Uelsga qarshi 1:0 hisobidagi o‘yinni asosiy tarkibda boshlab, 67-daqiqada almashtirilgan edi.