«Barselona» markaziy himoyani kuchaytirish maqsadida to‘rt nafar futbolchini transfer ro‘yxatiga kiritdi.
Kataloniyaliklar Yoshko Gvardiol, Alessandro Bastoni, Natan va Lisandro Martines nomzodlarini ko‘rib chiqmoqda.
Bosh murabbiy Xans-Diter Flik rahbariyatdan jamoaga darhol foyda keltira oladigan tajribali himoyachi sotib olishni so‘ragan. Nemis mutaxassisiga rivojlanishi uchun bir necha yil talab etiladigan yosh futbolchilar ma’qul emas.
Biroq «Barselona»ning yangi futbolchi xarid qilish imkoniyati ayrim o‘yinchilarning sotilishi va transferlardan tushadigan mablag‘ga bog‘liq bo‘ladi.
