Аргентина терма жамоаси бош мураббийи Лионель Скалони Лионель Мессининг кетиши фонида 10-рақамли либос ҳақида ўз фикрини билдирди.
39 ёшли ҳужумчининг хайрлашув ўйини 6 октябрь куни бўлиб ўтади – аргентиналиклар Бенинга қарши майдонга тушишади. Бунгача миллий терма жамоа Боливия ва Буркина-Фасога қарши ўртоқлик учрашувлари ўтказади.
«Ушбу ўйинларда ҳеч ким 10-рақамда майдонга тушмайди. Биз уни кимгадир беришга мажбур эмасмиз. Мессининг ўйинигача бу рақамни ҳеч кимга топширмаймиз, ундан кейин эса вазият қандай ривожланишига қараймиз.
Режамиз шундан иборатки, кейинчалик кимдир бу рақамни доимий равишда ўз номига расмийлаштириб олсин», – деди Скалони.
