Qarshida yangi mavsum tayyorgarliklarini olib borayotgan “Nasaf” jamoasi kuniga ikki mahaldan mashg‘ulotlarni o‘tkazmoqda.
Mashg‘ulotlar klub qarorgohi maydonida hamda “Markaziy” stadion qoshidagi maydonlarda bo‘lib o‘tmoqda. Jamoamiz tarkibida o‘zgarishlar yo‘q. Jarohati tufayli vaqtincha safdan chiqqan Saydullo Rahmatov sog‘ayib, umumiy mashg‘ulotlarga qo‘shildi.
Yangi mavsum tayyorgarliklarining so‘nggi bosqichida nazorat uchrashuvlari ham o‘tkazish rejalashtirilgan. “Ajdarlar” 22 fevral kuni Toshkentda Navoiyning “Qizilqum” jamoasi bilan nazorat uchrashuvida maydonga tushadi.
