Osiyo futbol konfederasiyasi tashkilotga a’zo 45 mamlakat federasiyalari texnik direktorlari va ularning yordamchilari uchun birinchi marta OFK texnik direktorlar konferensiyasini o‘tkazdi.
12–14 fevral kunlari Malayziya poytaxti Kuala-Lumpur shahrida o‘tkazilagan konferensiyada O‘FF texnik direktori hamda Bolalar, o‘smirlar va ommaviy futbolni rivojlantirish boshqarmasi boshlig‘i Shavkat Imomov ham ishtirok etdi.
Uch kun davom etgan konferensiya “Texnik rivojlanish kelajagi” mavzusida o‘tkazildi. Tadbirni o‘tkazishdan asosiy maqsad Osiyoda futbolni texnik tomondan rivojlantirish, istiqbolli strategiya ishlab chiqish hamda OFKning “Bitta Osiyo, Bitta Maqsad” missiyasi muvaffaqiyatini ta’minlashga hissa qo‘shishdan iborat bo‘ldi.
Shuningdek, konferensiya davomida UYEFA vakillari tomonidan taqdimotlar o‘tkazilib, Osiyoda ayollar futboliga e’tibor qaratish kerakligi ta’kidlandi.
