Halqaro futbol assosiasiyalari uyushmasi (IFAB) o‘smirlar va ommaviy futbolda sinov tariqasida sariq kartochka uchun vaqtinchalik chetlatishni (sin bin) qo‘llashni tasdiqladi.
Bu haqida IFAB rasmiy sayti xabar bermoqda.
"O‘smirlar, ommaviy va nogironlar futbolida sariq kartochkalar uchun vaqtinchalik chetlatishni qo‘llash tasdiqlandi", - deyiladi xabarda.
Sin regbida qo‘llaniladi. O‘yinchi qo‘pol o‘yini uchun 10 daqiqaga chetlatiladi, keyin maydonga qaytadi. Avvalroq bu g‘oyani UYEFAning sobiq prezidenti Mishel Platini ilgari surgan edi.
IFAB - futbol qoidalarini boshqarish va tatbiq qilish bilan shug‘ullanuvchi tashkilot bo‘lib, uning tarkibiga FIFA vakillari, Angliya, Shotlandiya, Uels va Shimoliy Irlandiya futbol assosasiyalari vakillari kiradi.