"Real" bosh murabbiyi Alvaro Arbeloa Chempionlar ligasi umumiy bosqichi 7-turida "Monako" ustidan qo‘lga kiritilgan yirik g‘alaba (6:1) haqida fikr bildirdi.

"Men xursandman, ammo eng avvalo — futbolchilar, muxlislar uchun baxtiyorman. Umuman olganda, madridizm uchun xursandman. Biz o‘rtamizdagi bunday birlik va shunday o‘yin bilan hali qolgan barcha sovrinlar uchun kurasha olamiz.

Men muxlislarning Vinisiusni qo‘llab-quvvatlab, uning ismini baland ovozda qichqirganini eshitdim. Hatto darvozabon uning zarbasini ajoyib tarzda qaytarganida ham, muxlislar Vinisiusni olqishladi. Unga bu muhabbat juda kerak. Vini — yosh, juda hissiyotli yigit. Unga qo‘llab-quvvatlash zarur. Unga oson emas, ammo "Santyago Bernabeu" unga javob qaytardi — uning kayfiyati, iste’dodi va mehnatkashligi uchun minnatdorlik bildirdi. Aynan shunday o‘yinlar vaziyatni o‘zgartirishga yordam beradi", — deya Arbeloaning so‘zlarini keltirdi UEFA matbuot xizmati.

Ushbu g‘alabadan keyin "Real" 15 ochko bilan Chempionlar ligasi umumiy bosqichi turnir jadvalida ikkinchi o‘rinni egallab turibdi. "Monako" esa 9 ochko bilan 20-pog‘onada bormoqda.