Madridning «Real» klubi darvozaboni Andrey Lunin boshqa klubga o‘tishi mumkin.
Insayder Nikolo Skiraning xabar berishicha, 27 yoshli futbolchining xizmatlari bir necha kun oldin «Yuventus»ga taklif qilingan. «Keksa sinyora» vakillari ushbu transfer borasida o‘ylab ko‘rmoqda. Avvalroq ham turinliklarning «qaymoqranglilar» darvozaboniga qiziqishi haqida xabarlar tarqalgan, ammo bu masala aniq kelishuvgacha yetib bormagan.
Andrey Lunin 2018 yildan beri «Real»ga tegishli. Umuman olganda, ukrainalik darvozabon madridliklar safida barcha turnirlarda 74 ta uchrashuv o‘tkazib, 91 ta gol o‘tkazib yuborgan. O‘tgan mavsumda esa 12 marta maydonga tushib, 21 ta gol o‘tkazib yubordi. Futbolchining «qirollik» klubi bilan amaldagi shartnomasi 2030 yil yoziga qadar mo‘ljallangan.
