«Real» hujumchisi Kilian Mbappe «Barselona»ning yangi mavsumdagi natijalari haqida fikr bildirdi.
Kataloniyaliklar La Ligada dastlabki 6 ta uchrashuvning barchasida g‘alaba qozonib, 18 ochko bilan turnir jadvalida peshqadamlik qilmoqda. «Real» esa 15 ochko bilan 2-o‘rinda bormoqda.
Mbappedan «Barselona» joriy mavsumda «Real»ning asosiy raqibi hisoblanadimi, deb so‘raldi.
«Ular yaxshi ishlayapti. Men boshqa jamoalar haqida gapirishni yoqtirmayman, chunki u yerda o‘ynamayman va jamoa ichida nimalar bo‘layotganini bilmayman.
Ular o‘z o‘yinlarida g‘alaba qozonishdi, ammo hozir mavsumning faqat boshlanishi», — dedi Mbappe.
