«Реал» ҳужумчиси Килиан Мбаппе «Барселона»нинг янги мавсумдаги натижалари ҳақида фикр билдирди.

Каталонияликлар Ла Лигада дастлабки 6 та учрашувнинг барчасида ғалаба қозониб, 18 очко билан турнир жадвалида пешқадамлик қилмоқда. «Реал» эса 15 очко билан 2-ўринда бормоқда.

Мбаппедан «Барселона» жорий мавсумда «Реал»нинг асосий рақиби ҳисобланадими, деб сўралди.

«Улар яхши ишлаяпти. Мен бошқа жамоалар ҳақида гапиришни ёқтирмайман, чунки у ерда ўйнамайман ва жамоа ичида нималар бўлаётганини билмайман.

Улар ўз ўйинларида ғалаба қозонишди, аммо ҳозир мавсумнинг фақат бошланиши», — деди Мбаппе.