«Бетис» марказий ҳимоячиси Натан фаолиятини «Барселона»да давом эттириши мумкин. Бу ҳақда журналист Экрем Конур хабар бермоқда.
Манба маълумотига кўра, «Барселона» 25 ёшли бразилиялик футболчини сотиб олишни мақсад қилган. Таъкидланишича, каталонияликлар спорт директори Деку аллақачон Натаннинг агенти билан тўғридан-тўғри музокараларни бошлаган. Трансфер қиймати 45 миллион еврони ташкил этиши мумкин.
Жорий мавсумда Натан барча мусобақалар доирасида тўққизта учрашувда майдонга тушиб, битта гол урди.
Ҳимоячининг «Бетис» билан амалдаги шартномаси 2030 йилгача мўлжалланган. Transfermarkt портали бразилиялик футболчининг трансфер қийматини 30 миллион еврога баҳоламоқда.
Аввалроқ «Барселона» спорт директори Деку ва бош мураббий Ҳанс-Дитер Флик клубнинг трансферлари борасида ўзаро келиша олмаётгани ҳақида хабар берилган эди.
