«Betis» markaziy himoyachisi Natan faoliyatini «Barselona»da davom ettirishi mumkin. Bu haqda jurnalist Ekrem Konur xabar bermoqda.
Manba ma’lumotiga ko‘ra, «Barselona» 25 yoshli braziliyalik futbolchini sotib olishni maqsad qilgan. Ta’kidlanishicha, kataloniyaliklar sport direktori Deku allaqachon Natanning agenti bilan to‘g‘ridan-to‘g‘ri muzokaralarni boshlagan. Transfer qiymati 45 million yevroni tashkil etishi mumkin.
Joriy mavsumda Natan barcha musobaqalar doirasida to‘qqizta uchrashuvda maydonga tushib, bitta gol urdi.
Himoyachining «Betis» bilan amaldagi shartnomasi 2030 yilgacha mo‘ljallangan. Transfermarkt portali braziliyalik futbolchining transfer qiymatini 30 million yevroga baholamoqda.
Avvalroq «Barselona» sport direktori Deku va bosh murabbiy Hans-Diter Flik klubning transferlari borasida o‘zaro kelisha olmayotgani haqida xabar berilgan edi.
