Мадриднинг «Реал» клуби бош мураббийи Жозе Моуриньо жамоанинг бразилиялик ҳужумчиси Винисиус Жуниор ҳақида ўз фикрларини билдирди.

«Агар Винисиуснинг ўрнида бўлганимда, эҳтимол, «Реал»дан кетган бўлардим. Катта эҳтимол билан, ўтган ёздаёқ бошқа чемпионатга ўтишим учун клубдан рухсат беришларини талаб қилган бўлардим. У ерда мухлислар менга ҳурмат билан муносабатда бўлишарди.

Бироқ Винисиус «Реал»ни яхши кўргани учун вазият яхши томонга ўзгариши мумкинлигига ишонади. Шу сабабли у шартномасини узайтирди. Винисиус «Реал»нинг энг муҳим футболчиларидан бири. У ҳамма билан яхши муносабатда ва жамоадаги муҳитга ижобий таъсир кўрсатади», — дея Моуриньонинг сўзларини келтиради The Touchline.

Винисиус жорий мавсумда барча мусобақаларда ўнта учрашувда иштирок этиб, битта гол урди ва учта голли узатмани амалга оширди.