O‘zbekiston U-23 terma jamoasi Yaponiyada o‘tayotgan Osiyo o‘yinlarining futbol musobaqasida muddatidan avval chorak final yo‘llanmasini qo‘lga kiritdi.
Ravshan Haydarov shogirdlari "C" guruhidagi dastlabki ikki uchrashuvda maksimal natija qayd etdi. Terma jamoamiz avval Filippinni 5:1 hisobida mag‘lub etgan bo‘lsa, ikkinchi turda Quvayt ustidan 2:0 hisobida zafar quchdi.
Shu tariqa, O‘zbekiston 2 ta o‘yindan keyin 6 ochko to‘plab, guruhda yakka peshqadam bo‘lib turibdi. Jamoamizning to‘plar nisbati — 7:1.
Ikkinchi o‘rinda 4 ochko bilan Vyetnam bormoqda. Quvayt hisobida 1 ochko bor, Filippin esa hozircha ochko jamg‘ara olmagan.
Guruh bosqichining so‘nggi turi natijasidan qat’i nazar, O‘zbekiston U-23 pley-off bosqichida ishtirok etish huquqini kafolatladi.
"C" guruhi:
- O‘zbekiston — 6 ochko
- Vyetnam — 4 ochko
- Quvayt — 1 ochko
- Filippin — 0 ochko
