“Byornli” Londonning “Chelsi” klubidan Qozog‘iston terma jamoasi hujumchisi Dastan Satpayevni bir mavsumga ijaraga olgan edi. Ushbu kelishuv qiymati haqida tafsilotlar ma’lum bo‘ldi.

Transfermarkt ma’lumotlariga ko‘ra, Chempionship klubi futbolchini ijara asosida o‘z safiga qo‘shib olish huquqi uchun “Chelsi”ga 350 ming yevro to‘lagan. “Byornli”ning Satpayev bilan shartnomasi 2026/27 yilgi mavsum uchun mo‘ljallangan.

Shu bilan birga, “Chelsi” qozog‘istonlik futbolchi uchun muhim shartni ham belgilagan — unga kafolatlangan o‘yin vaqti beriladi. London klubi ijara Satpayevga katta futbolda muntazam maydonga tushish va ingliz futboliga moslashuvini davom ettirish imkonini beradi, deb hisoblamoqda.

Avvalroq “Chelsi” Satpayev bilan rasman uzoq muddatli shartnoma imzolagan edi. Kelishuv 2033 yilgacha amal qiladi.

“Byornli” Chempionshipdagi mavsumni 16 avgust kuni o‘z maydonida “Vest Hem”ga qarshi uchrashuv bilan boshlaydi.