«Brayton» yarim himoyachisi Jek Xinshelvud faoliyatini Londonning «Arsenal» klubida davom ettirishi mumkin.

The Sun ma’lumotlariga ko‘ra, «kanonirlar» 21 yoshli futbolchi uchun kurashda peshqadamlik qilmoqda. Istiqbolli angliyalik futbolchi yangi mavsum boshlanishi arafasida poytaxt grandining ustuvor transfer maqsadlaridan biriga aylangan.

Mikel Arteta futbolchining universalligini hurmat qiladi. 

Jek Xinshelvudga «Manchester Siti» va «Manchester Yunayted» klublari ham qiziqish bildirayotgani aytilgan. Transfermarkt ekspertlari yosh yarim himoyachining qiymatini 28 million yevro deb baholamoqda.