Angliya terma jamoasi va "Tottenxem"ning sobiq hujumchisi Darren Bent moliyaviy feyr-pley qoidalarini buzgani uchun "Manchester Siti"ni qattiq jazolash kerakligini aytdi.
"Ularni Chempionshipga tushirish kerakmi? Bu juda yengil jazo bo‘ladi. Axir bu atigi bir divizion pastlash degani. "Reyndjers" bilan nima bo‘lganini eslang. Adashmasam, ular to‘rt divizionga tushirilgan edi. "Manchester Siti"ni Angliyaning to‘rtinchi divizioniga tushirish va besh yilga transferlardan mahrum qilish kerak", — dedi Bent.
Premyer-liganing besh turidan so‘ng "Manchester Siti" 15 ochko jamg‘argan va turnir jadvalida yetakchilik qilmoqda. Jamoa ikkinchi o‘rindagi "Arsenal"ni uch ochkoga ortda qoldirmoqda.
