Lamin Yamal "Barselona"da o‘ng qanotda Pedro Porro bilan terma jamoadagi hamkorligini qayta tiklashni istamoqda. Ikki futbolchi Ispaniya terma jamoasida bir-birini juda yaxshi tushunadi.
"Porro Yamalga kerak bo‘lgan o‘yin uslubiga ideal mos keladi. U doimiy ravishda hujumlarga qo‘shila oladigan, faol harakat qiladigan va qanotda kenglik yaratadigan futbolchi", — deyiladi El Nacional xabarida.
Manbaga ko‘ra, Porro bilan bir qanotda o‘ynaganda Yamal hujumda ko‘proq erkinlikka ega bo‘ladi. Bu ayniqsa raqib chuqur himoya qiladigan o‘yinlarda "Barselona" uchun foydali bo‘lishi mumkin.
Shuningdek, Pedro Porro yanvarda "Tottenxem"ni tark etishga tayyor ekani aytilmoqda.
27 yoshli himoyachining transfer narxi taxminan 70 million yevro bo‘lishi mumkin.
