Ламин Ямал "Барселона"да ўнг қанотда Педро Порро билан терма жамоадаги ҳамкорлигини қайта тиклашни истамоқда. Икки футболчи Испания терма жамоасида бир-бирини жуда яхши тушунади.
"Порро Ямалга керак бўлган ўйин услубига идеал мос келади. У доимий равишда ҳужумларга қўшила оладиган, фаол ҳаракат қиладиган ва қанотда кенглик яратадиган футболчи", — дейилади El Nacional хабарида.
Манбага кўра, Порро билан бир қанотда ўйнаганда Ямал ҳужумда кўпроқ эркинликка эга бўлади. Бу айниқса рақиб чуқур ҳимоя қиладиган ўйинларда "Барселона" учун фойдали бўлиши мумкин.
Шунингдек, Педро Порро январда "Тоттенхэм"ни тарк этишга тайёр экани айтилмоқда.
27 ёшли ҳимоячининг трансфер нархи тахминан 70 миллион евро бўлиши мумкин.
