«Барселона» бош мураббийи Ханс-Дитер Флик «Бавария»нинг ёш футболчиси Леннарт Карлнинг салоҳиятидан жуда таъсирланган.
Гап катта келажак башорат қилинаётган 18 ёшли ҳужумкор ярим ҳимоячи ҳақида кетмоқда.
«Флик Карлнинг сифатлари ва салоҳиятидан жуда ҳайратда. Мураббий «Барселона» скаутларига унинг ривожланишини бир неча бор кузатишни тавсия қилган. Флик уни яқин келажакда дунёнинг энг яхши футболчиларидан бирига айланиши учун барча зарур сифатларга эга деб ҳисоблайди», — дейилади El Nacional хабарида.
Бироқ «Барселона» учун Карлни ўз сафига қўшиб олиш осон бўлмаслиги мумкин.
Сабаби, футболчининг орзуси — Мадриднинг «Реал» клубига ўтиш. Леннарт бу ҳақда аввал ҳам очиқ гапирган.
