«Barselona» «Manchester Siti» yarim himoyachisi Rodri transferi yo‘lida muhim qadam tashladi.

Jurnalist Nil Sola xabar berishicha, juma kuni bo‘lib o‘tgan muzokaralar yakunlariga ko‘ra, «ko‘k-anorranglilar» «shaharliklar» bilan muzokaralarda sezilarli o‘sishga erishgan.

Kataloniyaliklar 30 yoshli yulduz uchun taxminan 70 million yevro to‘lashga tayyor. Agar «Barsa»ning rejasi amalga oshsa, futbolchi dushanba kuniyoq Kataloniya poytaxtiga yetib keladi.

«Manchester Siti»ning dastlabki talabi 80 million yevroni tashkil etgan. Rodrining o‘zi esa avvalroq «Barselona»ni tanlab, Madridning «Real» klubiga rad javobini bergan edi. Yarim himoyachi 2019 yildan beri Angliya grandi sharafini himoya qilib kelmoqda, undan avval esa vatanida Madridning «Atletiko» klubida to‘p tepgan.