Shu yilning 13-17 mart kunlari Ozarbayjon poytaxti Boku shahrida Yevropa boks konfederasiyasi va Ozarbayjon boks federasiyasi hamkorligida "Buyuk ipak yo‘li - 2017" xalqaro turniri bo‘lib o‘tadi.
Ushbu nufuzli musobaqada Yevropa va Osiyo qit’asidan eng kuchli bokschilar tashrif buyurishadi.
Musobaqada O‘zbekiston terma jamoasining yetti nafar bokschisi qatnashashishi kutilmoqda.
O‘zbekiston boks federasiyasi matbuot xizmati xabar berishicha, nufuzli musobaqada quyidagi tarkib ishtirok etadi: Mironshoh Ibrohimov (-49 kg), Sirojiddin G‘ulomjonov (-52 kg), Iqboljon Xoldorov (-64 kg), Fazliddin Meliboev (-69 kg), Mahmud G‘oipov (-75 kg), Madiyor Saidrahimov (-81 kg), Sardor Begaliev (-91 kg).
Turnirda qatnashadigan bokschilarimizga Olimpiya o‘yinlari sovrindorlari - Rustam Saidov va O‘tkirbek Haydarov murabbiylik qiladi.
O‘zbekiston terma jamoasi bugun tongda Ozarbayjon poytaxti Boku shahriga uchib ketdi.
