Bugun KONMEBOL mintaqasida ham JCH-2018 saralash o‘yinlari o‘tkaziladi.

Unda muxlislar bir-biridan qiziqarli va murosasiz bellashuvlarning guvohi bo‘ladi.

Bugun turnir jadvalida yetakchilik qilayotgan Braziliya terma jamoasi eng yaqin ta’qibchisi Urugvay maydoniga safar uyushtirsa, so‘nggi “Kopa Amerika” musobaqasi finalchilari Argentina va Chili termalari ham o‘z munosabatlariga oydinlik kiritib oladi. Lionel Messi jarohati sabab o‘z jamoasiga yordam bera olmagan bahslarda Edgardo Bausa shogirdlari muhim ochkolarni boy berishgan va ayni shu sababga ko‘ra hozirda 5-pog‘onada borishmoqda. Saralash qoidalariga ko‘ra bu qit’adan 4ta jamoa mundial yo‘llanmasiga ega bo‘ladi. 5-o‘rin sohibi esa pley-off bosqichida Okeaniya mintaqasi vakiliga qarshi maydonga tushadi.

Bugungi uchrashuvlar:
“Urugvay” – “Braziliya”
23 mart 2017 yil.
Montevideo. “Estadio Centenario” stadioni
Hakam: Patrisio Loustau (Argentina)

“Venesuela” – “Peru”
23 mart 2017 yil.
Maturin. “Estadio Monumental de Maturin” stadioni
Hakam: Enriki Kaseres (Paragvay)

“Argentina” – “Chili”
23 mart 2017 yil.
Buenos Ayres. “Estadio Monumental” stadioni
Hakam: Sandro Richchi (Braziliya)

“Kolumbiya” – “Boliviya”
23 mart 2017 yil.
Barankilya. “Metropolitano Roberto Melendes” stadioni
Hakam: Rikardo Markes (Braziliya)

“Paragvay” – “Ekvador”
23 mart 2017 yil.
Assunsyon. “Defensores del Chako” stadioni
Hakam: Xose Argote (Venesuela)