“Obod” – “Bunyodkor” (1:1) uchrashuvidan keyingi matbuot anjumanida mezbonlar ustozi o‘z fikrini bayon qildi.
"Derbi o‘z nomiga mos ravishda shiddatli o‘tdi. Raqibimiz O‘zbekistonning eng kuchli klublaridan biri edi. O‘ylaymanki, munosib qarshilik ko‘rsatdik. Ikkala jamoa ham yaxshi o‘yin ko‘rsatdi. Ayta olamanki, bugun biz ham, “Bunyodkor” ham yutib ketishi mumkin edi. “Obod” o‘tgan yili oliy liga debyutanti edi. Shu boisdan ham jamoaga bir muncha osonroq bo‘lgandi. Bu yil esa ko‘pchilik “Obod” bilan ham hisoblashish kerakligini tushunib yetmoqda. “Obod”da xarakter bor. “Obod” qarshi hujumlarga tez o‘tadigan jamoa. Chunki tezkor futbolchilar yetarlicha. Biroq endi to‘p yo‘qotilganda hujumdan himoyaga tez o‘tishni ham o‘zlashtirishimiz kerak", - deydi Rauf Inileev.
