“Обод” – “Бунёдкор” (1:1) учрашувидан кейинги матбуот анжуманида мезбонлар устози ўз фикрини баён қилди.

"Дерби ўз номига мос равишда шиддатли ўтди. Рақибимиз Ўзбекистоннинг энг кучли клубларидан бири эди. Ўйлайманки, муносиб қаршилик кўрсатдик. Иккала жамоа ҳам яхши ўйин кўрсатди. Айта оламанки, бугун биз ҳам, “Бунёдкор” ҳам ютиб кетиши мумкин эди. “Обод” ўтган йили олий лига дебютанти эди. Шу боисдан ҳам жамоага бир мунча осонроқ бўлганди. Бу йил эса кўпчилик “Обод” билан ҳам ҳисоблашиш кераклигини тушуниб етмоқда. “Обод”да характер бор. “Обод” қарши ҳужумларга тез ўтадиган жамоа. Чунки тезкор футболчилар етарлича. Бироқ энди тўп йўқотилганда ҳужумдан ҳимояга тез ўтишни ҳам ўзлаштиришимиз керак", - дейди Рауф Инилеев.